“Vendet islamike duhet të krijojnë një aleancë kundër kërcënimit në rritje të ekspansionizmit”.
Kështu u shpreh presidenti turk, duke komentuar se “qëndrimi kundër terrorizmit shtetëror të Izraelit është një detyrë islamike, por edhe një çështje kombëtare.”
Në të njëjtën kohë, ai foli për “vrasjen e tmerrshme” të aktivistes turko-amerikane Eisenur Ezge Aygi, e cila vdiq në Bregun Perëndimor nga sulmet e forcave izraelite, ndërsa iu referua edhe vdekjes së “më shumë se 40,000 qytetarëve të pafajshëm , përfshirë 17,000 fëmijë, në Gaza”.
“E vetmja gjë që do të ndalojë arrogancën izraelite dhe terrorizmin shtetëror izraelit është aleanca e vendeve islamike”, shtoi ai.
Ai tha gjithashtu se hapat e fundit që ka ndërmarrë Turqia për të përmirësuar lidhjet me Egjiptin dhe Sirinë kanë për qëllim “formimin e një linje solidariteti kundër kërcënimit në rritje të ekspansionizmit “, i cili ai tha se kërcënon gjithashtu Libanin dhe Sirinë.
“Procesi” i ri që ka nisur Turqia me Egjiptin do të jetë në dobi të Gazës dhe Palestinës, tha ai.
Presidenti turk priti homologun e tij egjiptian Abdel Fattah al-Sisi në Ankara këtë javë dhe ata diskutuan luftën e Gazës, si dhe mënyrat për të përmirësuar më tej marrëdhëniet e tyre të ngrira.
Kjo ishte vizita e parë e një presidenti egjiptian në Turqi pas 12 vjetësh.
Në të njëjtën kohë, duke folur në programin televiziv HABER GLOBAL, Erdogan iu referua edhe marrëdhënieve me Greqinë.
“Ka një marrëveshje që Greqia ka bërë me Egjiptin, kjo është bërë në periudhën kur marrëdhëniet tona me Kajron nuk ishin të mira.
Por nga ana tjetër, u hodh një hap i shpejtë dhe ne kishim nënshkruar një marrëveshje me Libinë për përcaktimin e ZEE-së. Tani, ndoshta bashkëpunimi, ndoshta edhe një marrëveshje mes Turqisë dhe Egjiptit do të fillojë.
Shikoni hartën dhe do të shihni: Greqia me Egjiptin apo Turqia me Egjiptin?, përfundoi ai.
/abcnews.al
