Lezha sonte u trondit nga dy shpërthime të forta, por mister mbetet vendngjarja, pasi ende nuk është zbuluar asgjë. Banorët janë të ndarë në atë që kanë dëgjuar dhe besojnë, disa prej tyre u shprehën se shpërthimet erdhën nga ajri, të tjerët thanë nga deti.
Lexo edhe: Dy shpërthime të fuqishme tronditin Lezhën
Prej orës 20:00 policia ka kontrolluar zonën urbane dhe rurale, por nuk është gjetur asnjë vendngjarje dhe nuk ka pasur asnjë telefonatë në komisariat për të lënduar, vetëm frikë dhe panik.
Në momentin e parë u dyshua se zhurma mund të kishte ardhur nga shpërthimet e cisternave në Shëngjin, por gazetari i “abc” Gjergj Figuri raportoi se jo vetëm që nuk kanë asnjë problem, por madje nuk kanë as karburant, pra janë bosh.
Lexo edhe: Shpërthimet alarmojnë Lezhën, banorët rrëfejnë tmerrin: Erdhën nga ajri, kemi frikë për cunam
Por çfarë mund ta ketë shkaktuar zhurmën e fortë që banorët e sinjalizuan si shpërthim?
Në mungesë të vendit të ngjarjes, teoritë janë disa. Së pari zhurmën mund ta ketë shkaktuar ndonjë avion që mund të ketë kaluar ulët.
Lexo edhe: Policia rrethon qytetin pas shpërthimeve
Por burime për “abc” nga forcat ajrore u shprehën se nuk kanë qenë në dijeni të fluturimit mbi hapësirën tonë ajrore të ndonjë avioni të NATO-s, por as tejkalim të shpejtësisë zanore.
Pista e dytë ka të bëjmë me teorinë se mund të ketë qenë ndonjë shpërthim në ndonjë gurore./ db/Abcnews.al
