Anri Kashiku humbi jetën një ditë më parë në Durrës, pasi tentoi të shpëtojë nga mbytja vëllain e tij të vogël dhe shokun e tij. 19-vjeçari u fut në det bashkë me rojen bregdetare, Igli Shahinaj për të shpëtuar dy të miturit.
Shahinaj rrëfen se arritën të nxirrnin dy të vegjlit, por 19-vjeçari në atë moment u zhduk dhe nuk mundi ta shihte më, pasi dallgët e kishin tërhequr.
Lexo edhe: Dhimbje dhe lot për heroin Anri Kashiku që shpëtoi dy jetë, të afërmit: Po përjetojmë një dramë
“Ishim sinjalizuar që asnjë person s’do të futej në det për shkak se ishte i trazuar. Pamë dy të vegjël që po futeshin dhe u nisëm për tu dhënë ndihmë. Me mua vjen edhe vëllai i tij për të ndihmuar. I nxjerrim të vegjlit. Kthehem për të parë edhe për vëllain, por nuk shikohej trupi i tij”, tregon ai për ABC.
Trupi i pajetë i Anri Kashikut përcillet sot për në banesën e fundit në fshatin Shënvlash të Durrësit. Ai humbi jetën mesditën e djeshme në një akt heroik. g.v/abcnews.al
