Pak ditë më parë, Era Istrefi festoi ditëlindjen por duket se festa për këngëtaren nuk ka mbaruar ende. Ajo ka marrë një surprizë të këndshme nga motra e saj, Nora dhe mbesa Renee.
Ka qenë Nora e cila ka ndarë me ndjekësit në Instagram disa foto nga festa e organizuar për Erën, duke zbuluar gjithashtu dhe surprizën që Renee i ka bërë tezes së saj.
“Suprise party nga Renee për ditëlindjen e tezes së saj që e don shumë”, ka shkruar Nora krahas postimit të bërë në Instagram. Era është shumë e lidhur me mbesën e saj Renee, me të cilën e shohim shpesh bashkë.
Këngëtarja festoi ditëlindjen me 4 Korrik, ku nuk munguan urimet e shumta nga fansat dhe miqtë e këngëtares. Ajo ka bërë me dije se po punon për të sjellë një projekt të ri, ndërsa nuk dihet nëse do të vijë solo apo me një bashkëpunim. “No Maybes” është prurja e saj më e fundit, publikuar 3 muaj më parë. /abcnews.al/
