Kryetari i Partisë Demokratike Lulzim Basha ka reaguar pas ndarjes nga jeta të mjekut endokrinolog Gerond Husi, si pasojë e koronavirusit. Në një mesazh ngushëllimi në mediat sociale, Basha shprehet se sot mësoi me dhimbje për një tjetër humbje nga bluzat e bardha.
Kryedemokrati e përshkuan Husin si një mjek profesionist, të shkëlqyer, njerëzor e të papërtuar.
Sot me dhimbje mesova për një humbje tjetër, atë të dr. Gerond Husit, një mjek e profesionist i shkëlqyer, njerëzor e i papërtuar, një pedagog mendjendritur, një njeri që kushdo me krenari e pati mik e shok. pic.twitter.com/3xlVn7h85P
— Lulzim Basha (@lulzimbasha_al) March 13, 2021
Prej disa ditësh Husi ndodhej i shtruar në një spital në Stamboll. Gjendja e tij shëndetësore është përkeqësuar menjëherë, edhe pse ai nuk kishte sëmundje të tjera shoqëruese. Prej vitesh ai ushtronte detyrën e tij pranë qendrës spitalore universitare si mjek endokrinolog. sb/abcnews.al/
