45-vjeçari Kastriot Çaçaj ka rënë në prangat e policisë, pasi vodhi një automjet dhe me të u largua drejt Shkodrës.
Mësohet se ai u identifikua dhe u arrestua pak orë pas vjedhjes nga blutë. Gjithashtu, automjeti tip “BM.Ë X5” u sekuestrua.
Njoftimi i Policisë:
Vodhi një automjet tip “BM.W X5” dhe u largua me të drejt Shkodrës, kapet dhe vihet në pranga 45-vjeçari Kastriot Çaçaj.
Sekuestrohet automjeti i vjedhur.
Menjëherë pas kallëzimit të shtetasit se i kishin vjedhur automjetin e parkuar në rrugën “Shtraus”, Lezhë, shërbimet e Komisariatit të Policisë Lezhë organizuan punën për të identifikuar dhe arrestuar autorin/ët.
Si rezultat i veprimeve të shpejta hetimore dhe policore, u identifikua dhe u arrestua pak orë pas vjedhjes, autori i dyshuar i rastit, shtetasi K. Ç., 45 vjeç, banues në fshatin Zejmen. Pasi vodhi automjetin, 45-vjeçari u largua me të drejt Shkodrës, ku u kap si rezultat i ndjekjes nga shërbimet e Policisë. Gjithashtu, në cilësinë e materiale u sekuestrua automjeti tip “BMW X5”, i dyshuar i vjedhur nga shtetasi.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme./abcnews.al
