Një person është ekzekutuar me armë zjarri.
Mësohet se vrasja ka ndodhur, në orët e mbrëmjes së të enjtes, në zonën e njohur si “Komuna e Parisit”, pranë Qendrës Kristal.
Forca të shumta policore kanë mbërritur në vendngjarje, ndërsa bëhet e ditur se viktima është Hekuran Billa, 40 vjeç, i cili është gjetur i vdekur në makinën tip BMW, X6.
Raportohet se atentati është kryer me pistoletë me silenciator.
LEXO edhe: Gjendet i djegur një automjet në Pezë, dyshohet të jetë i autorëve tek “Komuna e Parisit”
Mësohet se viktima është kthyer nga Belgjika në Shqipëri përpara 5 ditëve.
Ndërkohë policia ka ngritur pika të shumta kontrolli në të gjithë hyrjet e kryeqytetit, po ashtu edhe në Elbasan.
Sipas policisë, viktima është qëlluar ndërsa ka qenë duke qarkulluar me automjetin e tij.
Sakaq mësohet se Billa është person me precedent të mëparshëm penal.
Policia ka njoftuar se është gjetur një makinë e djegur në Pezë të Vogël e cila ka rezultuar e vjedhur në Kukës dhe targat në Lezhë.
Bëhet fjalë për një makinë tip mercedez benz, me portobagazh me targa AA 829 që në fakt i përkasin një automjeti tip renault.
Brenda makinës tip “mercedez benz” është gjetur edhe një armë e tipit MP5 me silenciator.
Njoftimi i policisë:
Tiranë/Informacion paraprak
Më datë 11.06.2020, rreth orës 22:00, tek Komuna e Parisit në rrethana ende të paqarta është vrarë më armë zjarri shtetasi H.B., 40 vjeç, i cili po qarkullonte me mjetin e tij.
Menjëherë forca të shumta policie kanë shkuar në vendngjarje dhe kanë rrethuar zonën ku vijon krehjen e zonës për kapjen e autorit.
Menjëherë është ngritur Grupi hetimor dhe nën drejtimin e Prokurorisë po vijon puna për sqarimin dhe dokumentimin e plotë të rrethanave të ngjarjes, si dhe sekuestrimin e çdo prove të vlefshme qê do çojë në identifikimin e autorit./abcnews.al
