EMRAT/ OFL kërkon justifikimin e pasurisë për dy trafikantë droge

schedule13:22 - 25 February, 2020

schedule13:22 - 25 February, 2020

OFL në vijim të dërgimit të formularit të pasurisë këtë të martë  ka kërkuar justifikimin e pasurisë për dy persona të dënuar për trafik narkotikësh.

Gazetarja Glidona Daci bën me dije për ABC News , se OFL ka kërkuar justifikimin e pasurisë për Kreshnik Budllen banues në Durrës i dënuar ne Spanjë, për trafik narkotikësh dhe Fatjon Laze nga Elbasani gjithahstu i dënuar për trafik narkotikësh.

OFL

Vijon Operacioni Forca e Ligjit, në bashkëpunim me strukturat vendore të Policisë, në zbatim të detyrave të përcaktuara në Aktin Normativ të datës 31 janar 2020, për dërgimin e kërkesave për vetëdeklarim të pasurisë, personave që janë subjekt i këtij ligji.

Në këtë kuadër, OFL u ka dërguar kërkesat për vetëdeklarim të pasurisë, shtetasve:

– K. B., banues në Durrës, i dënuar në Spanjë për trafikim të lëndëve narkotike.

– F. L., banues në Elbasan, i dënuar për trafikim të lëndëve narkotike.

Brenda 48 orësh, këta individë, si subjekt i Ligjit Special, duhet t’u përgjigjen me shkrim të gjitha pyetjeve të OFL-së.

Më pas, përgjigjet e marra do t’i dërgohen SPAK-ut, për veprime të mëtejshme.

Me qëllim evidentimin dhe dërgimin në SPAK, të të gjithë personave që janë subjekt i Ligjit Special, OFL është në veprim të pandërprerë dhe në kryerje të veprimeve komplekse.

Për të gjitha nismat procedurale dhe operacionet ekzekutive që do të kryejë, OFL do të informojë publikun në vijimësi./abcnews.al