Lideri i Legës Salvini vazhdon polemikat publike me kryeministrin Konte për sa i përket 49 emigrantëve të bllokuar në brigjet e Maltës prej ditësh. Konte është i gatshëm të presë në Itali gratë dhe fëmijët, por Salvini refuzon në mënyrë kategorike.
Vijojnë polemikat mes liderit të Legës, Mateo Salvini, dhe kryeministrit Xhuzepe Konte, për emigrantët. Cdo gjë nisi me arrestimin e 15 personavenë Sicili me akuzën e favorizimit të emigracionit klandestin dhe terrorizmit. Me anë të një mesazhi në Tuiter, Salvini shkruan se nuk ka ndërmend të lejojë emigrant në vend, përkundrazi, duhen larguar sa më shumë duke i kthyer në shtëpitë e tyre.
Qëndrojnë shumë larg qëndrimet e kryeministrit dhe zv/kryeministrit për sa i përket 49 emigrantëve të bllokuar në anijet e organizatave jo qeveritare. Të martën Konte u shpreh i gatshëm që të priste në vend gratë dhe fëmijët. Dhe nëse nuk I lejojnë të zbresin nga anijet, kreu i ekzekutivit Italian shprehet se është gatshëm të shkojë ti marrë personalisht me avion. Por ministry i brendshëm Salvini nuk ndërron mendim./abcnews.al/
