Chelsea vazhdon të jetë i pathyeshëm me Thomas Tuchel në stol. Ekipi anglez mposhti 2-0 Atletico Madrid mbrëmjen e kaluar dhe u kualifikua në çerekfinalet e Champions League me rezultatin e përgjithshëm 3-0.
Asnjë humbje në 13 ndeshje zyrtare nën drejtimin e gjermanit dhe vetëm dy gola të pësuar. Shifra fantastike, teksa asnjë trajner nuk e ka filluar kaq mirë aventurën e tij në pankinën e “Bluve të Londrës”.
Tuchel foli pas fitores ndaj skuadrës “Colchoneros”, aty ku vlerësoi paraqitjen e djemve të tij, të cilët iu falën golave të Ziyech dhe Emerson Palmieri për të thyer për herë të dytë një skuadër të fortë si Atletico Madrid.
“Performancë e shkëlqyer dhe angazhim i madh. Djemtë kryen një punë të jashtëzakonshme si skuadër, dallohej qartësisht dëshira e madhe për të siguruar kualifikimin.
Atletico tentoi të na bënte presing në pjesën e parë, por lanë hapësira të cilat mund t’i shfrytëzonim. Në pjesën e dytë patëm disa minuta vuajtje, por ishim të gatshëm të bënim atë që ishte e nevojshme për të fituar“, deklaroi Tuchel. /abcnews.al
