Kelly Clarkson do të zëvendësojë Ellen DeGeneres në emisionin e famshëm amerikan. Pak javë më parë Ellen DeGeneres njoftoi se do të largohej nga drejtimi i “Ellen DeGeneres Show” pas më shumë rreth dy dekadash. Duke folur për këtë vendim, moderatorja tha se thjesht ishte koha për të lëvizur përpara.
NBC tha se “Kelly Clarkson Show” do të zëvendësojë programin e DeGeneres nga vjeshta 2022. “Ne po punojmë për disa plane të mëdha për sezonin e tretë dhe po presim me padurim të bëhemi shfaqja kryesore gjatë ditës për vitet që vijnë.”, tha Tracie Wilson, nënkryetarja ekzekutive e NBCUniversal Syndication Studios.
DeGeneres zbuloi në fillim të këtij muaji se po tërhiqej nga emisioni në fund të kontratës së saj aktuale. Largimi i saj erdhi pas kritikave dhe akuzave nga disa anëtarë të stafit se vendi i punës ishte kthyer në një mjedis toksik. Kjo bëri që tre producentë të largoheshin nga puna. /abcnews.al
