Trazirat në Barcelonë kanë bërë që El Clasico e parashikuar të luhet me 26 tetor të mbetet në ajër. Fillimisht u propozua që ndeshja të zhvendosej në Madrid, por kjo ka rënë poshtë. Rregullorja nuk e lejon, ndërkohë që edhe te katalanasit janë kundër kësaj gjeje.
Vetë trajner Ernesto Velverde ka komentuar për këtë çështje: “Është e vërtetë që ka pasur një mendim për t’u luajtur ndeshja e parë në Bernabeu. Luajmë të mërkurën dhe do na duhet të duhet të udhëtojmë sërish. Nuk jemi kundër vetëm prej kësaj, por edhe sepse duam të respektojmë kalendarin dhe tifozët tanë. Gjëja më normale është që të luajmë në fushën tonë. Insistoj që të luajmë në shtëpi”.
Tanimë duhet vendosur se çfarë do të bëhet. Më 26 tetor është planifikuar sërish një protestë dhe është e pamundur që Barcelona-Real të zhvillohet këtë muaj. Tanimë janë dy opsionet. I pari është 18 dhjetori, që përkon në mesjavë, konkretisht ditë të mërkurë.
Javier Tebas, presidenti i La Liga, nuk e pëlqen këtë ide dhe ka propozuar që ndeshja të zhvillohet më 7 dhjetor, në fundjavë. Kjo do të bënte që ndeshjet e asaj jave, Real Madrid-Espanyol dhe Barcelona-Mallorca të zhvillohen më 4 dhjetor. /abcnews.al
