Tregtia e mallrave “Made in Albania “ ka pasur një ecuri pozitive në tre mujorin e parë të këtij viti.Sipas të dhënave të Instat gjatë periudhës janar-shkurt-mars eksportet e mallrave arritën vlerën 123 mld lekë, duke u rritur me 2,1 % krahasuar me një vit më parë.
Grupet që kanë ndikuar pozitivisht në rritjen vjetore të eksporteve, janë: “Makineri, pajisje dhe pjesë këmbimi” me +1,6 pikë përqindje, “Tekstile dhe këpucë” me +1,5 pikë përqindje dhe “Ushqime, pije, duhan” me +1,5 pikë përqindje.
Ndërsa negativisht kanë ndikuar grupet: “Materiale ndërtimi dhe metale” me -3,1 pikë përqindje dhe “Produkte kimike dhe plastike” me -0,8 pikë përqindje.
Ecuria e eksporteve ka qenë poztive pavarësisht shvlerësimit të ndjehsëm të monedhës europiane ndaj lekut. Kjo pasi eksportuesit blejnë në lekë dhe i shesin mallrat me monedhën europiane. Në këët mënyrë shvlerësimi i euros ndikon direkt në ulejn e fitimit të eksportuesve. Aktualisht monedha europiane ka prekur nivelin më të ulet të regjistruar gjatë këtij viti duke u këmbyer me 112 lekë.
Ndërkohë importet e mallrave arritën vlerën 208 mld lekë, duke u rritur me 0,4 %, krahasuar me një vit më parë. Deficiti tregtar kapi vleren 86 mld lekë, duke u ulur me 1,9 %, krahasuar me të njëjtën periudhë të 2022.
Vlen të theksohet se në muajt e parë të këtij viti ka pasur shtim të marrëdhënieve tregtare me vendet e rajjonit .Gjatë periudhes janar-shkurt-mars,vendet me të cilët Shqipëria ka pasur rritje më të madhe të eksporteve, në krahasim me një vit më parë, janë: Kosova ,Greqia dhe Maqedonia ndërsa vendi me të cilin eksportet kanë pasur uljen më të madhe janë: Italia, Gjermania dhe Kina.
