Nga Erblina Mile
Muaji mars shënoi rekord në rritjen e çmimeve të produkteve të ndryshme, fakt ky që është reflektuar direkt në nivelin e përgjithshëm të eksporteve.
Sipas të dhënave të INSTAT niveli i eksporteve është rritur me 50,4 % në krahasim me të njëjtën periudhë të një viti më parë.
Në Mars 2022 eksportet e mallrave arritën vlerën 48 mld lekë ose 16 mld lekë më shumë nëse e krahasojmë me marsin e një viti më parë.
Ndikimi kryesor ka ardhur nga rritja e çmimeve në bursat ndërkombëtare të hidrokarbureve dhe metaleve.
Përmirësim në muajt e parë të këtij viti ka pasur edhe sektori i fasoneve.
Edhe nëse krahasojmë eksportet pwr periudhën janar-shkurt –mars 2022 me të njëjtën periudhë të një viti më parë eksportet kanë pësuar rritje.
Sipas INSTAT Në këtë tremujor eksportet e mallrave arritën vlerën 120 mld lekë, duke u rritur me 49,6 %.
Po ashtu edhe importet kanë pësuar rritje edhe kjo lidhet direkt me ndikimin e shtrenjtimit të çmimeve. Importet e mallrave arritën vlerën 207 mld lekë, ose 27,9 %, krahasuar me një vit më parë.Peshën kryesore në rriten e eksporteve e ka dhënë grupi “Materiale ndërtimi për dhe metale” me 20,3%, “Minerale, lëndë djegëse dhe energji elektrike” me 12,7 %dhe “Tekstile dhe këpucë” me +6,7 pikë përqindje.
Në muajin Mars 2022, vendet me të cilët Shqipëria ka pasur shtim të eksporteve, në krahasim me një vit më parë janë Italia 67,1 %, Kosova 25,2 % dhe SHBA me 9 herë./abcnews.al
