Loading ...
TIRANË- Eksperti i ekonomisë, Igli Tola u shpreh se inteligjenca artificiale po e ndryshon mënyrën e të bërit biznes.
Ai shtoi se për Shqipërinë, përdorimi i inteligjencës artificiale është ende në hapat e parë dhe do të kërkojë kohë për të shfrytëzuar plotësisht potencialin e saj.
“Është një ndryshim i të bërit biznes. Me implementimin e inteligjencës artificiale në shumë procese pune, shumë prej tyre do të automatizohen. Duke pasur parasysh strukturën e ekonomisë shqiptare dhe degët kryesore, ku pesha kryesore mbahet nga ndërtimi dhe turizmi, përfshirja e intelingjencës artificiale në këtë fazë nuk sjell shumë përfitime”, tha ai.
I pyetur se cilët sektor do preken më shumë nga ndikimi i inteligjencës artificiale, Tola dha këtë mendim.
“Sektori i shërbimeve dhe konsulencave është ai që po preket më shumë, sepse një pjesë e procesit tashmë kryhet përmes inteligjencës artificiale” theksoi Tola në “Sheshi i Dollarit./abcnews.al
