Prishtina ka zyrtarizuar afrimin e mbrojtësit Egzon Belica, i cili ishte larguar nga Partizani këtë verë. Klubi bardhekaltër njoftoi se ka nënshkrua me të për një sezon.
Belica ka luajtur edhe për Rabotniçkin, Ohrin dhe Shkëndijën e Tetovës në Maqedoninë e Veriut, CS Concordia Chiajna në Rumani, Inter Turkun në Finlandë dhe Rigan në Letoni.
“Zgjedhja e Prishtinës ishte e lehtë për shkak të madhështisë dhe traditës që e ka klubi. Çdo gjë u lehtësua deri te kontrata nga dëshira e madhe e dyanshme.
Synimet në një klub si Prishtina janë çdo herë maksimale. Duhet luftuar për secilin kompeticion në të cilin skuadra merr pjesë.
Është nder dhe privilegj të jem pjesë e Prishtinës. Ky klub ka traditë dhe tifozëri të madhe. Tifozët janë pjesë e pandarë e ekipit.
Premtimet jepen dhe duhet të mbahen. Jo vetëm unë, mirëpo e gjithë skuadra duhet dhënë 100 përqind nga vetja për arritjen e objektivave”, tha Belica për faqen e klubit. / abcnews.al
