Nuk mund të kishte mbyllje me shije më të hidhur, për mbylljen e fazës përgatitore në Slloveni, me “Rrogozhinasit” e Egnatias, që pas dy barazimeve, kundër vendasve të Ruzomberok dhe Maribor, pasditen e kësaj të hëne janë mundur nga malazezët e Buducnost, me rezultatin e ngushtë 2 me 1, duke tronditur jo pak djemtë e Edlir Tetovës, në prag të kualifikuseve.
Goli i vetëm për kampionët e Superiores erdhi nga “fantazisti” i sulmit Redi Kasa, i cili shënon golin e dytë radhazi për “Rrogozhinasit”, pas rrjetës së gjetur, në përballjen me Maribor dhe pritet të jetë një shtesë e madhe për Egnatian, në sfidën e fazës së parë, të kaulifikueseve, të UEFA Champions League.
Ndërkaq, kujtojmë se kundërshtarët e kampionëve tanë janë kampionët e Bosnje Hercegovinës, Borac Banja Luka, me sfidën e parë që do të zhvillohet pasditen e 10 korrikut në “Gradski stadion Banja Luka” dhe në rast se Egnatia arrin të kalojë këtë raund, në fazën e ardhshme do të ketë përballë një “gjigant” të futbollit ballkanas, si “Bardhezinjtë” e PAOK. /i.m /abcnews.al
