Një metodë e re e formimit të planetit, në të cilën dy planetë të mëdhenj në diskun protoplanetar mund të krijojnë potencialisht një planet më të vogël mes tyre, të cilin ata e kanë quajtur ‘formim i planetit sanduiç’, kanë zbuluar shkencëtarët në Universitetin e Warwick.
Hulumtimi u prezantua në Takimin Kombëtar të Astronomisë të Shoqërisë Mbretërore Astronomike të Britanisë dhe iu dorëzua revistës Monthly Notices.
Studiuesit hetuan mjediset e lindjes së planetëve, rajonet e gazit dhe pluhurit që rrotullohen rreth një ylli qendror dhe që njihen si disku protoplanetar. Vëzhgimet e mëparshme kanë treguar se unazat dhe zbrazëtitë ekzistojnë në disqet protoplanetare. Gjithashtu, që planetët shkaktojnë formimin e unazave të pluhurit jashtë tyre.
Sipas studimit të ri, ky efekt “sanduiç” ndodh për shkak se dy planetë primordial, të mëdhenj kufizojnë rrjedhën e brendshme të pluhurit, që do të thotë se sasia e pluhurit që mblidhet midis tyre zvogëlohet në krahasim me atë nëse nuk kishte planet të jashtëm. Nëse ky pluhur grumbullohet përfundimisht për të formuar një planet, atëherë planeti i mesëm ka të ngjarë të jetë më i vogël se dy i jashtëm, si mbushja e një sanduiçi.
Megjithëse nevojiten kërkime të mëtejshme, kjo teori mund të jetë një shpjegim i mundshëm për formimin e planetëve të vegjël, si Marsi dhe Urani, të cilët janë të rrethuar nga planetë më të mëdhenj.
Profesorja e asociuar në Departamentin e Fizikës në Universitetin e Warwick, Farzana Merou, shpjegon se “në studimin tonë ne sugjerojmë unazat si vende të formimit të planetit, veçanërisht se ka planetë sanduiç që formohen aktualisht në unaza. Kjo është shumë e ndryshme nga pamja konvencionale e formimit të planetit, ku zakonisht presim që planetët të formohen në mënyrë sekuenciale nga brendësia në pjesën e jashtme të diskut dhe të bëhen gjithnjë e më masivë nga jashtë“./abcnews.al
