Që kur Millorad Dodik kishte filluar përpjekjet dhe provokimet e tij për t’u shkëputur nga Bosnja e Hercegovina, në rajon ka pasur vizita të zyrtarëve të lartë amerikanë. Sy me sy më Dodikun është takuar edhe i dërguari i SHBA’së për Ballkanin Perëndimor, Gabriel Escobar, i cili ka lënë të kuptohet se mund të vihet në lëvizje edhe politika amerikane e sanksioneve.
Ky reagim i amerikanëve duket se ka zbrapsur edhe figurat e politikës në Beograd të cilët koketojnë me Dodikun.
Sot kreu i Kuvendit të Serbisë, Ivica Daçiq, ka thënë se Serbia e respekton Marrëveshjen Dejtonit dhe se Beogradi ka interes për ruajtjen e stabilitetit politik dhe paqes në rajon.
Ndërsa ditë më parë një medium malazez ka raportuar se Vuçiq do ta japë “kokën e Dodikut” me qëllim të përmirësimit të raporteve me SHBA’në në prag të zgjedhjeve./Express
