Festivali “Takim mes botëve” do të mbahet më 6 korrik në Parkun Arkeologjik të Apolonisë, ku do të dëgjohen tingujt e lirës së lashtë të Olimpit. Ndërsa, do të vazhdojë deri më 26 korrik te Piramida me ‘podkastet’ dhe filmin dokumentar grek “Agones, ringjallja e një miti”.
E ftuar në “ABC e Mëngjesit”, drejtoresha e Argjiro, Ilda Mara ka ndarë detajet e këtij aktiviteti, duke zbuluar se do të jetë i hapur për të gjithë qytetarët.
Ajo ka theksuar se është një iniciativ e Ambasadës Francezë në bashkëpunim me greken.
“Në Apoloni kemi aty ku muzika takon antikitetin, ky është lajkmotivi i këtij edicioni.
Lojërat olimpike dhe antikiteti fillojnë ditën e shtunë në Apoloni. Në darkë do të kemi tre artistë grekë që punojnë të promovojnë instrumentet që janë përdorur në lashtësi. Është një iniciativ e Ambasadës Francezë në bashkëpunim me greken.
Është një aktivitet i hapur për publikun, pa bileta. Është për të gjithë publikun dhe ky është qëllimi që ne kemi këtë vit”, u shpreh Mara./abcnews.al
