Jeta e çiftit të të rinjve, Almenia Karajt dhe Shkumbin Bratit u pre në mes si pasojë e aksidentit tragjik në orët e para të mëngjesit të së dielës në aksin Fushë-Krujë-Milot.
“Sa me fat jam që jetën do e ndaj me ty 04.03.2020″ këto ishin fjalët që e reja Almenia Karaj i dedikoi të fejuarit të saj Shkumbin Bratit dy ditë më parë, por fati deshi që ëndrrat e tyre të ndërpriteshin në mesa, pasi një aksident tragjik u mori jetën në afërsi të Thumanës.
Çifti kishte vetëm dy ditë që kishin kurorëzuar dashurinë e tyre me fejesë. Brati ishte këngëtar që merrte pjesë në festa familjare. Pikërisht mbrëmjen e djeshme ata ishin në një festë ku Shkumbi Brati po performonte live. Pas festës, pak minuta pas mesnate çifti u përfshi në askident duke humbur jetën.
“Edhe në botën tjetër do të të dua njësoj si sot”, ky ishte një tjetër dedikimi prekës i 16-vjeçares Almeina Karaj ndaj të fejuarit të saj Shkumbin Brati 20 vjeç.
Në aksidentin tragjik humbë jentën edhe dy shoferët e makinave që u përplasën. /abcnews.al/
