Kontrata e Leo Messit me Barcelonën përfundon në fund të sezonit dhe e ardhmja e tij te Barcelona është seriozisht në rrezik, pasi kërkoi largimin në verën e shkuar.
PSG është klubi që e ka shprehur më qartë se të gjithë dëshirën për të afruar Messin, teksa katalanasit nga ana e tyre e kanë quajtur mungesë respekti të folurin e drejtorit Leonardo dhe lojtarëve të tjerë për dëshirën e ardhjes së Messit në Paris.
Ander Herrera, mesfushori i PSG, është pyetur gjithashtu në lidhje me ardhjen e mundshme të Messit. Spanjolli del totalisht jashtë trendit të klubit, madje i kundërshton në njëfarë mënyrë kur shprehet: “Nuk është një strategji sepse siç e shihni unë do të flas për të. Unë respektoj veprimin e çdokujt, por edhe e vë veten në vendin e klubit ku luan Messi.
Po të isha te Barcelona, nuk do të kënaqesha nëse do të flisnin për Messin. Nuk mendoj se është mosrespekt, por nuk do ta bëj, futbollistët janë në buzët e të gjithëve dhe është logjike dhe e kuptueshme, por unë nuk do ta bëj.
Vitin e kaluar dhe këtë aktualin kam para një impenjim maksimimal dhe uri të madhe të Neymar. Ai dëshiron të fitojë të gjithë titujt e mundshëm.
Mendoj se ai ka marrë qartë flamurin e projektit, ai është një udhëheqës natyral. Kylian (Mbappe) do të jetë një nga më të mirët e dekadën e ardhshme, ne nuk duhet ta detyrojmë atë të jetë lideri i ekipit”, tha Herrera ndër të tjera. /abcnews.al
