Një nga personat që do të njihet këtë të shtunë me masën e sigurisë është edhe i arrestuari Elgert Gjoni. Nga hetimet ka rezultuar se ai është personi që siguronte kanabis llambe nga Kanada.
I riu është mbajtur për muaj me radhë në vëzhgim nga agjentët e antidrogës, madje është përgjuar, si i janë bërë blerje të stimuluara për të faktuar aktivitetin e tij të shpërndarjes së drogës.
Gazetarja e ABC News, Xhensila Kodra raporton se sipas përgjimeve, ka rezultuar se një dozë të lëndës narkotike që ai sillte nga Kanadaja me postë e shiste deri në 300 euro.
Mësohet se i arrestuari Elgert Gjoni, bazën e kishte në zonën e Unazës së Re dhe përdorte Instagramin për të komunikuar me klientët e tij.
Në një nga rastet edhe agjenti i infiltruar ka komunikuar me të po në këtë rrjet social për t’i blerë dozën e kanabisit që ai sillte nga Kanadaja. /abcnews.al
