Policia e Fierit ka shpallur në kërkim një 44-vjeçar. Ndaj këtij të fundit ka bërë kallëzim një e mitur 14-vjeçare. 44-vjeçari është kujdestari ligjor i saj, ndërsa ka ushtruar dhunë ndaj të miturës dhe e ka detyruar të dalë në rrugë për të lypur.
“U shpall në kërkim shtetasi Sh. M., 44 vjeç, banues në Levan, Fier, sepse ka bërë kallëzim një shtetase e mitur 14 vjeçe, se 44-vjeçari, i cili është kujdestari ligjor i saj, ka ushtruar dhunë ndaj saj dhe e ka detyruar të dalë në rrugë për të lypur. Punohet për kapjen e shtetasit Sh. M”, thuhet në njoftimin e policisë. /abcnews.al
