SHQIPËRI-Kjo e premte mund të cilësohet një ditë e zezë për Shqipërinë, duke shënuar një bilanc tragjik në jetë njerëzore. Gjatë pasdites kanë humbur jetën 11 persona, në rrethana tragjike.
Dy persona ndërruan jetë në plazhin e Lezhës dhe Durrësit. Sipas informacioneve paraprake, dyshohet se ata humbën jetën për shkak të arrestit kardiak.
Një tjetër tragjedi ndodhi në Gramsh. Babai, me dy djemtë e tij dhe nipin u mbytën në liqenin e Hidrocentralit të Banjës në Gramsh. Kurse një 58 vjeçar, që lëvizte me një kalë karroce u përplas për vdekje në qytetin e Elbasanit. Po këtë të premte, rreth orës 09:40, në Shkallnur të Durrësit, një 70 vjeçare, dyshohet se ka rënë në kontakt me rrymën elektrike, në banesë, dhe për pasojë ka humbur jetën.
Gjatë pasdites, një i ri humbi jetën në Himarë pasi makina që po drejtonte doli nga rruga dhe u përmbys dhe për pasojë mbetën të plagosur edhe tre turistë të tjerë.
Paraditen e sotme, një 45-vjeçar ka humbur jetën këtë të premte në Elbasan pasi ka rënë nga lartësia. Ai ka qenë duke lyer muret e një ndërtese kur ka rënë aksidentalisht.
Nderkohe, pak para mesnates nje tjeter aksident u raportua ne Tirane. Një mjet tip “Range Rover” ka rënë në një humnerë dhe për pasojë ka humbur jetën një shtetas dhe është lënduar një tjetër.n.m.abcnews.al
