Adele duket se ka konfirmuar romancën e saj me agjentin sportiv Rich Paul pasi ndau foton e tyre të parë së bashku në mediat sociale. Këngëtarja e hitit “Someone Like You” ishte e ftuar në dasmën e lojtarit të NBA-së, Anthony Davis të shtunën në mbrëmje.
33-vjeçarja ndau disa foto mahnitëse nga dasma ndërsa pozonte me një fustan të zi, të dizajnuar nga Schiaparelli. Por surprizën e kishte ruajtur për në fund, foton ku shihej bashkë me të dashurin, me të cilin u pa për herë të parë në Korrik në një ndeshje basketbolli.
View this post on Instagram
Rich konsiderohet si një nga njerëzit më të fuqishëm në sport falë agjencisë së tij të suksesshme, e cila menaxhon LeBron James mes yjeve të tjerë të NBA-së. 33-vjeçarja u divorcua disa muaj më parë pas pesë vitesh martesë me Simon Konetski, me të cilin ka dhe një fëmijë. /abcnews.al
