E njohur për hitin “Queen of the House”, ndërron jetë këngëtarja e famshme

schedule15:29 - 7 Tetor, 2022

schedule 15:29 - 7 Tetor, 2022

Këngëtarja fituese e Grammy-t, Jody Miller ka vdekur në moshën 80-vjeçare. Këngëtarja e njohur ka ndërruar jetë në shtëpinë e saj në Blanchard të Oklahomas, nga komplikimet e sëmundjes së Parkinsonit. Legjenda e muzikës ishte një nga artistet e para fituese të çmimit Grammy në Oklahoma.

Hiti i parë i madh i Miller-it erdhi në vitin 1964 me këngën e saj “He Walks Like a Man”, e ndjekur nga “Queen of the House”, e cila i dha asaj një çmim Grammy për performancën më të mirë femërore në 1966. Miller ishte një nga këngëtaret femra pioniere të zhanreve të ndryshme, duke kaluar nga pop/folk në country.

Karriera e saj u ngrit vetëm në vitet 1970 kur nënshkroi me Epic Records.”Jodi Miller kishte këtë aftësi të lindur, të dhënë nga Zoti për të performuar dhe komunikuar me tonet dhe nuancat më të bukura ,” tha në një deklaratë zëdhënësja e Miller, Jennifer McMullen.

SHINDIG - Data e transmetimit: 23 shtator 1964. (Foto nga ABC Photo Archives/Disney General Entertainment Content via Getty Images) JODY MILLER

/abcnews.al