Niklas Sule është një çështje për t’u zgjidhur te Bayern Munchen. Mbrojtësi ka edhe një vit kontratë, rinovimi është larg dhe qëndrimi i pasigurt. Julian Nagelsmann ka diçka për të thënë në lidhje me 25-vjeçarin.
Trajneri i ri i kampionëve të Gjermanisë, e njeh prej 9 vitesh qendërmbrojtësin dhe ka besim që do e ndihmojë të rikthehet të luajë në nivelet që duhet kur je pjesë e ekipit bavarez.
“Sekreti është i thjeshtë, Niklas duhet të bindet të punojë ashtu siç di ai. Nëse ndodh, unë jam besim plotë që ai mund të rikthehet të luajë në nivele të larta.
Tani ka si trajner dikë që e njeh që kur Niklas ishte 16 vjeç. Unë mendoj se është tepër e rëndësishme të jemi të qartë dhe transparentë me lojtarin. Një gjë të tillë duhet ta kuptojnë edhe drejtuesit e klubit.
Lojtari ka edhe një vit kontratë, ai nuk ka qenë i lumtur në sezonin e fundit, por jam i bindur që do të rikthehet të shprehë gjithë potencialin e tij“, deklaroi Julian Nagelsmann. /abcnews.al
