E Ngarkuara me Punë e SHBA në Tiranë, Nancy VanHorn, shprehu mbështetjen për punën e SPAK dhe vlerësoi ndikimin që ka pasur prokuroria në perceptimin publik mbi përpjekjet kundër korrupsionit.
“Lufta kundër korrupsionit kërkon vërtet një transformim në qasjen dhe mentalitetin e dikujt…Një gjë që më është bërë e qartë është se kur njerëzit mendojnë kundër korrupsionin, mendojnë SPAK-un. Kjo tregon ndikimin që SPAK-u ka pasur, ndaj kjo është një gjë e mirë. Por mendoj se zoti Dumani do të ishte personi i parë që do të thoshte se SPAK-u nuk vepron i vetëm. Çdo sukses që ata kanë në hetimin dhe ndjekjen penale të rasteve është për shkak të të gjithë të tjerëve në peizazhin e drejtësisë.”, u shpreh ajo.
Këto komente u bënë gjatë nisjes së projektit “Integrity Chronicles” të ish-pjesëmarrëses në programin IVLP, Irena Xhafa, së cilit iu bashkua Ministrja për Administratën Publike dhe Antikorrupsionin Adea Pirdeni.
Projekti, i çelur në Ditën Ndërkombëtare kundër Korrupsionit, mbështetet nga Çmimi Impact IVLP i Departamentit të Shtetit të SHBA në partneritet me Ministrin e Shtetit për Administratën Publike dhe AntiKorrupsionin.
/abcnews.al
