Një grua është goditur me thikë nga ish-partneri i saj shqiptar në lagjen La Spezia të Migliarinës.
Ngjarja e rëndë ndodhi në një autobus të mbushur me njerëz që shkonte drejt detit, ndërsa gruaja tani është shtruar në spitalin Sant’Andrea në La Spezia.
Gjendja e saj është është serioze, megjithatë avokati i saj tregon se ajo nuk rresht së pyeturi për fëmijët dhe nuk pushon së qari.
Ndërkohë, ish-partneri i saj Sokol Begaj, 37 vjeç, ndodhet në qeli, i akuzuar për vrasje të mbetur në tentativë. Sipas avoktatit, Begaj është në gjendje të rënduar psikologjike, ndërsa mësohet se një ditë më parë mes tij dhe ish-partneres ishte arritur një marrëveshje për kujdestarinë e fëmijëve.
Avokati shtoi se gjithçka dukej e qetë pasi të dy kishin gjetur mirëkuptimin për fëmijët, por më vonë Begaj plagosi ish-partneren duke e goditur 7 herë në trup.
Ish-partnerja e kishte denonuar Begajn për keqtrajtim në familje më parë në muajin shkurt, shkak që ende nuk është diskutuar në gjykatë. Punonjësit socialë ndërhynë duke u përpjekur të shmangin probleme të tjera traumatike për të vegjlit. Fëmijët i janë besuar nënës por caktohet edhe një kurator që do të mbikëqyrë situatën së bashku me shërbimet sociale.
Muajt e fundit Begaj ishte përpjekur të gjejë kompromis me ish-partneren e tij. Të enjten, ata shkojnë në studion ligjore dhe bien dakord praktikisht për gjithçka. Fundjavë alternative, gradualisht vizita gjithnjë e më të shpeshta nga babai.
“Gjithçka ishte gati për ta çuar marrëveshjen në gjykatë dhe për ta ratifikuar atë nga gjyqtarët”, thanë avokatët e palëve.
Pra, çfarë ndodhi? Nuk ka asnjë konfirmim por burime të kualifikuara të hetuesve thonë se Sokol Begaj është shtruar në spital mbrëmjen e së enjtes, dyshohet për probleme psikologjike.
Pas daljes nga spitali, ai shkoi për të vizituar prindërit e tij që jetojnë në Viale Italia, në një pallat pikërisht përballë stacionit që u bë skena e krimit. Në apartament, me gjyshërit ishte djali i vogël, ndërsa i madhi në një kamp veror.
Nuk dihet nëse ish-partnerja e merr vesh rastësisht apo për shkak se është e informuar vendndodhjen e tij dhe nuk ngjitet në apartament.Fillimisht ata patën një përplasje të ashpër në telefon dhe më pas në tarracë.
Pjesa tjetër është histori. Begaj zbriti shpejt shkallët ashtu siç ishte, me pantofla dhe pa këmishë. Ai mbante një thikë kuzhine në dorë, ndërsa gruaja përpiqet të shpëtojë duke bërtitur e tmerruar. Askush nuk i dëgjon thirrjet e saj për ndihmë por aty kalon një autobus që ishte drejtuar në plazhet e Porto Venere.
Gruaja ngjitet në autobus, por nuk i shpëton goditjes së parë. Edhe Begaj hipën në autobus dhe lëshon një sërë goditjesh mes njerëzve të tmerruar, të cilët nuk kuptojnë se çfarë po ndodh. Ai e la gruan në tokë të gjakosur dhe në gjendje shoku, ndërsa disa qytetarë që gjetën disa peshqir i mbuluan plagët për të shmangur gjakderdhjen.
Më pas Begaj u kthye në shtëpinë e prindërve, sikur asgjë të mos kishte ndodhur, për t’u arrestua më vonë nga policia.
Të hënën në mëngjes në orën 9.30 do të zhvillohet seanca e vlefshmërisë në burg. Ndërkohë, gjykata për të mitur ua ka besuar përkohësisht kujdestarinë e fëmijëve gjyshërve nga babai. /abcnews.al
