Milani mori në huazim në janar Fikayo Tomorin nga Chelsea dhe 23-vjeçari arriti të ambientohet shumë shpejt dhe “nguli rrënjë” në formacionin e Stefano Pioli.
Në Millanelo u dashuruan menjëherë për të dhe vendosën shpejt të shfrytëzojnë të drejtën e blerjes nga londinezët, teksa prej kohësh flitet në lidhje me këtë transferim përfundimtar.
Confirmed. AC Milan have just communicated to Chelsea they’re triggering €28.5m clause in order to sign Fikayo Tomori on a permanent deal. The agreement will be completed and announced next week. Contract until June 2026. ??????? #CFC #ACMilan https://t.co/8eyqeM0ITd
— Fabrizio Romano (@FabrizioRomano) June 4, 2021
Ditën e sotme Fabrizio Romano, një nga gazetarët më të besueshëm të merkatos deklaron përfundimin e kësaj “sage”. Fikayo Tomori është i Milanit.
Kuqezinjtë ditën e sotme i kanë konfirmuar Chelseas në mënyrë zyrtare se do të aktivizojnë klauzolën e blerjes për anglezin. Kështu 28.5 milionë € shkojnë në arkat e Chelsea.
Nga ana tjetër Tomori firmos deri në verën e vitit 2026, pra kontratë 5-vjeçare. Që nga ardhja e tij në ajanr, Tomori luajti në 17 ndeshje në Serie A dhe shënoi 1 gol. /abcnews.al
