Një lajm i mirë për kombëtaren shqiptare në prag të ndeshjes ndaj Çekisë, por më shumë për Armando Brojën.
Sulmesi kuqezi duket se tashmë ka lënë totalisht pas dëmtimin dhe rikuperimin e plotë fizik, pasi trajneri i Chelsea ka dhënë një deklaratë në konferencën për shtyp, duke theksuar se Broja është gati për të luajtur.
“Broja mund të kthehet kundër Aston Villa, por vjen pas 9 muajsh jashtë fushave. Ne nuk mund të vendosim të gjithë përgjegjësinë te Broja për të shënuar të gjithë golat. Përgjegjësia duhet të jetë mbi ekipin dhe përpjekjen kolektive.
Nuk mund të presim që Armando Broja të shënoj me çdo prekje të topit, ai duhet të ndiejë konkurrencën”, është shprehur Pochettino. /h.ll/abcnews.al
