Formula 1 mbylli para pak ditësh sezonin e saj, Lewis Hamilton, që mori një titull historik, të shtatin në karrierë, duke barazuar legjendën gjermane, Michael Schumacher. Tashmë kanë nisur përgatitjet për sezonin e ri, teksa te Ferrari ka ndryshime.
Sebastian Vettel u largua këtë sezon dhe në vend të tij është vendosur Carlos Sainz nga MClaren. Së fundmi spanjolli u ul në njëvendëshen e kuqe për të kryer provat e para dhe nuk hezitoi t’i ndajë këto momente me ndjekësit e tij në rrjetet sociale.
View this post on Instagram
Ndërkohë, Lando Norris, ish-shoku i tij i skuadrës te MClaren dhe një nga miqtë më të mirë të Sainz, nuk hezitoi të komentojë. Sainz shfaqet në një foto me një bluzë të Ferrarit dhe Norris shkruan: “E ke blerë në eBuy këtë?”
Nuk ka vonuar përgjigja e Carlos ndaj Norris, me spanjollin, që shkruan: “Jo, por do i kërkoj Ferrarit të nisë një të tillë për fansin tim më të madh (Norris)”. Të dy janë shokë shumë të mirë dhe herë pas here dhurojnë show me shakatë ndaj njëri-tjetrit. /abcnews.al
