Milani doli pa pikë nga sfida shtëpiake kundër Napolit. Kuqezinjtë u mposhtën 0-1 në “San Siro” dhe kualifikimi në Champions League për sezonin e ardhshëm është rrezikuar shumë.
Trajneri Stefano Pioli e quan një shans të humbur takimin me ekipin e Gattusos, teksa Sandro Tonali fton shokët të mos dorëzohen.
“Humbëm një shans të mirë. Mund të ishte një javë e shkëlqyer për ne, pas dy paraqitjeve madhështore në Verona dhe Manchester, por ndaj Napolit nuk bëmë mjaftueshëm për të fituar .
Kemi edhe shumë ndeshje, duhet të tentojmë të mbledhim sa më shumë pikë. Sigurisht që diçka ndryshon kur mungesat janë të shumta.
Kemi humbur disa ndeshje pa Ibrën, Mandzukic dhe Rebic. E imagjinoni Interin pa Lukakun dhe Lautaron, apo Juven pa CR7 dhe Chiesa?“, deklaroi Pioli.
Tonali nuk e bën dramë humbjen dhe karikon shokët për takimin e radhës. “Duhet të synojmë akoma të renditemi sa më lart. Jemi në zonën Champions dhe nuk duhet të dorëzohemi“, deklaroi mesfushori italian i “Djallit”. /abcnews.al
