Ruzhdi Tasuni 63 vjeç i cili goditi për vdekje bashkëshorten e tij Hajdije Tasuni është shfaqur i penduar për krimin. Teksa u njoh me masën e sigurisë “arrest në burg”, Tasuni i ka kërkuar falje vajzave për vrasjen e nënës së tyre.
Siç raporton gazetari i ABC News Leonidha Musai gjatë dhënies së masës së sigurisë në sallë nuk ka qenë asnjë familjarë i pranishëm. Gjithashtu mësohet se autori ka kërkuar ndjesë sidomos vajzave të tij për ngjarjen e rëndë.
Ngjarja e rëndë ndodhi mesditën e së mërkurës në dyqanin e metrazheve në pronësi të familjes Tasuni në qendër të Durrësit. Në debat e sipër 63 vjeçari goditi me levë bashkëshorten e tij Hadijen, duke e lënë të vdekur në vend.
Në deklaratën e dhënë në polici pas arrestimit, Ruzhdi Tasuni ka rrëfyer se është zënë me bashkëshorten për shitjen e dyqanit.
Sipas tij punët nuk po ecnin mirë dhe i kishte thënë bashkëshortes që ta shiste, këkresë e cila është refuzuar nga Hadije Tasuni. Cifti ishin prindër të tre vajzave./abcnews.al
