Tension pas fjalës së Ramës në Kuvend, Murrizi bllokon foltoren, Ruçi largon gardën

schedule13:45 - 2 Korrik, 2020

schedule 13:45 - 2 Korrik, 2020

Ka vijuar me tensione seanca plenare e ditës së sotme, ku deputetët e opozitës parlamentare kanë bllokuar foltoren e Kuvendit pasi Gramoz Ruçi nuk i dha fjalën.

Fill pas fjalës së Edmond Stojkut, Myslim Murrizi është ngritur në këmbë duke shkuar në drejtim të foltores duke kundërshtuar rendin e ditës, ndërsa kërkoi të fliste për replikë pasi i ishte përmendur emri nga kryeminsitri Rama më herët.

Menjëherë reagoi kreu i Kuvendit Gramoz Ruçi, i cili e paralajmëroi me masa ndaj tij nëse vijon të bllokonte foltoren.

Pas Murrizit u ngritën edhe deputetët e tjerë të opozitës parlamentare duke bërë që tek foltorja të shkojnë edhe gardistët, por Ruçi iu kërkoi atyre të largoheshin. /abcnews.al