Kryeministri Edi Rama ka reaguar për grevën e naftëtarëve në Ballsh.
Në rrjetin social “Twitter” Rama i bën thirrje që ta ndërpresin grevën, ndërsa i fton që të ulen të bisedojnë.
Reagimi i kryeministrit Edi Rama në “Twitter””
“U përsëris naftëtarëve të Ballshit që greva e tyre është e panevojshme, sepse unë jam me ta dhe qeveria është e tyrja!
Ne jemi plotësisht të ndjeshëm ndaj hallit të tyre që është edhe halli ynë dhe është absurde që hallin t’ua qajnë ata që ua shkaktuan!
I ftoj vëllazërisht ta ndërpresin grevën dhe jam i gatshëm të ulem e të bisedoj me ta për këtë hall të përbashkët, por jo kështu!Kështu jo, sepse presionet e ultimatumet nuk funksionojnë në asnjë familje dhe punëtorët e Ballshit nuk bëjnë përjashtim nga ky parim i panegociueshëm”, shkruan Rama.
Ndërkohë ditën e sotme u raportua gjendja e përkeqësuar e grave që prej ditësh janë në grevë.
Lexo edhe: Rëndohet shëndeti naftëtareve në Ballsh: Thirrje grave deputete, ministreve dhe ambasadores Kim
Gjithashtu ata i bënë thirrje grave deputete, ministreve ai edhe ambasadores së SHBA-së Yuri Kim që të reagojnë dhe kjo situatë të marrë zgjidhje.
/abcnews.al/
