Shuhet legjenda e futbollit kroat, Zlatko Krajncar. Ish-sulmuesi i Dinamo Zagreb ka humbur jetën në spital në moshën 65 vjeçare. Kampion me kroatët si futbollist, ndërkohë që më pas i drejtoi edhe si trajner.
Krajncar bëri emër edhe në Austri, ku u aktivizua me klube si Rapid Vien dhe VSE St. Polten. Ai ishte kapiteni i parë i Kroacisë, pasi u shkëput nga Jugosllavia në vitin 1990.
Zlatko Kranjcar, who led Croatia to the the 2006 #WorldCup having captained the country in their first international after gaining independence, has died at the age of 64.
Our thoughts are with his loved ones at this sad time. pic.twitter.com/feL8KLsVPY
— FIFA World Cup (@FIFAWorldCup) March 1, 2021
Në periudhën 2004-2006 Krajncar ishte trajneri i kombëtares kroate, ndërkohë që ka drejtuar edhe Malin e Zi. Ai ka qenë në krye të shumë klubeve kroate, si dhe ka punuar edhe në Austri, Iran, Emiratet e Bashkuara Arabe dhe Katar.
Krajncar kishte një sëmundje të rëndë, që e mbyti në pak kohë. Rreth dhjetë ditë më parë ai u shtrua në spital në Zadar, pasi kishte probleme me mëlçinë. Pastaj u transferua në Zagreb në spital, ku edhe jetoi ditët e fundit të jetës së tij. /abcnews.al
