Një mjeke pediatre në Qendrën Shëndetësore të Sarandës ka rezultuar pozitive me Covid 19. Ajo është karantinuar në banesë dhe është në gjendje të mirë shëndetësore.
Burime për gazetaren e ABC News Silvi Sulaj, bëjnë me dije se familjarët e saj kanë rezultuar negativ, por tashmë po qëndrojnë të izoluar në banesë.
Gjithashtu janë izoluar në banesë edhe 3 infermiere të Pediatrisë, sepse pavarësisht se rezultuan negative ato do të ritestohen.
Në Qendrën Shëndetësore janë bërë dezifektime dhe konsultat tashmë do të vazhdojnë normalisht tek mjekët e tjerë pediatër./mv. abcnews.al
