Gjykata e Apelit në Gjirokastër ka lënë në fuqi vendimin “detyrim paraqitje” për botuesin Henri Çili. Gazetarja Glidona Daci raporton për abcnews. al se apeli në Gjirokastër ka rrëzuar pertendimet e prokurorisë për operacionin “Mezhgorani”.
Ky vendim vjen pasi Prokuroria e Përmetit apeloi vendimin e Gjykatës së Përmetit për të lënë të lirë botuesin.
Botuesi u arrestua pak kohë më parë i akuzuar për 6 vepra penale, ku më e rënda është ajo e ushtrimit të ndikimit tek gjyqtarët për të liruar Arbion dhe Alban Aliko, dy lazaratasin e dënuar për vrasjen e efektivit të RENEA-s në Lazarat, Ibrahim Basha.
Ndërsa prokurori i Apelit në Gjirokastër ka rrëzuar 4 prej tyre. Gjatë operacionit “Mezhgorani” u arrestuan 31 persona.
Pas disa orëve në qeli, Çili u lirua nga gjykata e Përmetit, e cila dha “detyrim paraqitje” për botuesin. Ndërkohë ky vendim është lënë në fuqi edhe nga Apeli i Gjirokastrës. Sakaq, botuesi i ka mohuar vazhdimisht akuzat ndaj tij, ndërsa është shprehur se arrestimi i tij ishte bërë në shkelje të procedurave ligjore./abcnews.al
