E fejuara i shpreh dashurinë Brooklyn Beckham-it në mënyrën më të pazakontë

Çdokush e tregon dashurinë ndryshe. Disa njerëz blejnë lule për partnerin e tyre, të tjerë preferojnë letra. Por Brooklyn Beckham dhe Nicola Peltz, kanë lënë dhëmbët të flisnin. Aktorja 26-vjeçare zbuloi në rrjete sociale se i kishte bërë dhuratë partnerit dhëmbët e tyre të pjekurisë të veshur me flori.

“I shndërrova dhëmbët tanë të pjekurisë në varëse. Brooklyn Beckham, je shoku im i ngushtë.”, shkroi ajo. Djali i David dhe Victoria Beckham u prek nga gjesti, ku shkroi: “Fjalët nuk mund ta përshkruajnë se sa shumë të dua. Jam personi më me fat në këtë planet. Do të të dua përgjithmonë.”

Më tej, Beckham shkroi: “Dhurata më e mirë nga mikja ime më e mirë dhe e fejuara më mahnitëse. Dhe unë të dua si i çmendur. Je gjëja më e mirë që më ka ndodhur ndonjëherë.” Dhe në fillim të këtij muaji, ai tregoi gjithashtu një unazë të gdhendur me emrin e të fejuarës me fjalët “dashuri e jetës sime”.  /abcnews.al