Një ngjarje e rëndë ka ndodhur në Kolorado ku një çift akuzohen për vrasjen e djalit të tyre 11 vjeçar.
Mediat e huaja bëjnë me dije se prindërit kanë detyruar adoleshentin që të pijë një sasi të mëdhe uji, që dyshojhet se i ka sjellë dhe humbjen e jetës.
Çifti po përballet me disa akuza, përfshirë abuzimin e fëmijëve dhe vrasjen e shkallës së parë.
41-vjeçari Ryan Sabin dhe 42-vjeçarja Tara Sabin dolën para autoriteteve të martën dhe po mbahen pa kusht në burgun e Qarkut El Paso. Prokurorët thonë se Zachary Sabin vdiq në Black Forest më 11 mars pasi çifti e detyroi atë të pinte ujë sepse urina e tij ishte e errët.
Ndërkohë të dhënat tregojnë se 11 vjeçari ka humbur jetën si pasojë e pirjes së sasisë së madhe të ujit brenda 24 orëve, rreth 3 litra ujë gjatë katër orëve pa ngrënë.
Pas kësaj, ai filloi me të vjella dhe u gjet i vdekur në shtratin e tij duke shkumëzuar nga goja./abcnews.al
