Sulmuesi brazilian, Willian Borges, është në vitin e fundit të kontratës me Chelsea dhe me shumë gjasa, nuk do të rinovojë. Trajneri i Bluve të Londrës, Frank Lampard, ka një projekt me lojtarë të rinj dhe e ardhmja e Ëillian, duket larg “Stamford Bridge”.
Willian u transferua te Chelsea në vitin 2013, nga skuadra e Shakhtar Donetsk. Tek ekipi ukrainas, ylli brazilian punoi nën urdhrrat e trajnerit legjendar, Mircea Lucescu. Ky i fundit është pyetur për të ardhmen e Willian dhe mendimi i tij ishte i drejtpërdrejtë.
“Për mendimin tim, duhet të largohet te Juventusi. Ai do të ishte perfekt për ta. Kam punuar me Willian dhe e njoh shumë mirë si njeri dhe si profesionist. Ka kaluar shumë vite në Londër, ndoshta do të ishte më mirë që ai të ndryshonte ekip dhe te Juventusi, besoj se do të bënte një punë të shkëlqyer”, tha mes të tjerash trajneri i njohur./abcnews.al
