Manchester United luan në fushën e Aston Villa sonte në mbrëmje (21:15) dhe djemtë e Ole Gunnar Solskjaer do të tentojnë fitoren e radhës në kampionat. Marrja e tre pikëve është jetike për objektivin Champions League.
Zërat e merkatos nuk kanë fund dhe dilemat rreth së ardhmes së Paul Pogba janë të mëdha. Trajneri i United ka folur rreth mesfushorit francez në konferencë për shtyp, duke theksuar se shpreson që kampioni i botës të mos largohet.
“Nuk mund të komentoj negociatat mes klubit dhe lojtarit. Di të them që qëllimi ynë është të mbajë futbollistët më të mirë. Duam të ndërtojmë një Manchester United shumë të fortë. Pogba ndodhet në gjendje të mirë, që prej momentit që u rikthyer nga dëmtimi forma e tij ka ardhur në rritje“, deklaron trajneri norvegjez i “Djajve të Kuq”. /abcnews.al
