Mesfushori i Interit, Christian Eriksen, pritet të largohet nga zikaltrit në merkaton e janarit. Danezi erdhi me shumë bujë vitin e kaluar, por nuk u përshtat aspak në skemat e Antonio Contes.
Sipas raportimit të “Sky Sport Italia”, është klubi i Tottenham që kërkon rikthimin e lojtarit në Londër. Përpos interesimit të madh që ka shfaqur PSG-ja këto muaj, trajneri Mourinho e pëlqen Eriksen dhe ndoshta “Spurs” mund të tentojnë një huazim të tij deri në fund të sezonit.
Problemi i vetëm mbetet paga e lartë e 28-vjeçarit. Aktualisht, Christian përfiton plot 7.5 milionë euro, shifër e konsideruar si e lartë nga Tottenham. Gjithsesi, mbetet për t’u parë se cili do të jetë destinacioni i Eriksen, pasi në Milano nuk e ka të gjatë. /abcnews.al
