Rregullat vlejnë për të gjithë, edhe për emra të mëdhenj të futbollit. Në Portugali pati kritika për Cristiano Ronaldo, i cili doli të stërvitej në stadium, ndërkohë që në Itali së fundmi janë kthyer në çështje dy futbollistë të Romës.
Një tifoz i Lazio ka filmuar Edin Dzeko dhe Diego Perotti, të cilët kanë dalë të kryejnë stërvitje me përgatitësin atletik të Romës. Kryeqyteti italian nuk është prekur njëlloj si krahina të tjerë të Italisë, por sërish kërkohet kujdes në lëvizjen e njerëzve.
Në Kinë veprojnë ndryshe, pasi klubi i Guangzhou Evergrande ka vendosur të përjashtojë një futbollist. Mesfushori 31-vjeçar, Yu Hanchao, është kapur mat duke ndryshuar targën e makinës së tij, në mënyrë që të lëvizte më lirshëm.
Klubi kinez ka vepruar menjëherë dhe ka ndërprerë kontratën me lojtarin në fjalë, duke mos e toleruar veprimin e bërë. Po ashtu policia ka vendosur të mos e lejojë të lëvizë për 14 ditë. /abcnews.al
Guangzhou Evergrande Taobao Football Club of Chinese Super League fired 33-yr-old player Yu Hanchao after he was caught on video altering his license plate on April 14. Yu was also given a 14-day detention by Guangzhou police. pic.twitter.com/FyLQOsOhcZ
— Sports China (@PDChinaSports) April 14, 2020
