Loading ...
Arrestohet 20-vjeçarja nga Indonezia, e cila në muajin nëntor braktisi foshnjën e saj të porsalindur në një banesë me qira në Tiranë, ku jetonte së bashku me disa vajza të tjera.
Fillimisht, e reja u procedua në gjendje të lirë për braktisje të foshnjës, e cila u dërgua në spital në gjendje të stabilizuar. Por gjendja e fëmijës është përkeqësuar dhe ka humbur jetën në spital, çka ka bërë që 20-vjeçarja të arrestohet nën akuzë për “Vrasje e foshnjës”.
E reja kishte ardhur në Shqipëri prej 4 muajsh, bashkë me disa vajza të tjera, dhe punonin pastruese në lokale në kryeqytet. Në kohën e mbërritjes në Shqipëri nga Indonezia, e reja ka qenë 5 muajshe shtatzënë, por pas lindjes e ka braktisur fëmijën në banesë.
