E ardhmja e Manuel Neuer me Bayern Munchen është në dyshim. Kontrata e kapiteni përfundon në verën e vitit 2021, por shqetësim të madh ka krijuar Alexander Nubel. 23-vjeçari vjen nga Schalke në fund të sezonit dhe në kontratën e tij është futur klauzola e luajtjes në disa ndeshje.
Kjo gjë vë në dyshim postin e titullarit të Neuer, i cili mund të nisë një aventurë të re pas 9 viteve në Mynih. 33-vjeçari flet rreth situatës së tij për Kicker, aty ku zbulon se aktualisht nuk po diskutohet në lidhje me rinovimin e kontratës.
“Qëllimi im është të vazhdoj të luaj me Bayern Munchen. E di që në verë Nubel do bashkohet me ne, por kontrata ime përfundon në vitin 2021. Do të kem kohë të mjaftueshme për të biseduar me drejtuesit e klubit. Për momentin nuk po negociojmë rinovimin e kontratës. Jemi të gjithë të përqendruar te fitimi i ndeshjeve dhe realizimi i objektivave. Së pari vjen skuadra, pastaj situatat personale“, përfundon Manuel Neuer. /abcnews.al
