SARANDË- Një 53-vjeçar ka bërë një kallëzim në policinë e Sarandës, se ka humbur kontaktet me vëllain e tij, shtetasin F.S, 45 vjeç. Po ashtu një 76 vjeçare ka alarmuar policinë e Sarandës, pasi ka humbur kontaktet me djalin e saj, shtetasin L.Th, 52 vjeç.
Njoftimi i policisë:
Në Komisariatin e Policisë Sarandë, është kallëzuar nga shtetasi G. P., 53 vjeç, banues në Fier, se ka humbur kontaktet me vëllanë e tij, shtetasin F. S., 45 vjeç, banues në Sarandë. Gjithashtu është kallëzuar nga shtetasja E. Th., 76 vjeçe, banuese në Sarandë, se ka humbur kontaktet me djalin e saj, shtetasin L. Th., 52 vjeç, banues në Sarandë.
Specialistët për Hetimin e Krimit në Komisariatin e Policisë Sarandë për të dyja rastet kanë referuar materialet në Prokurorinë e Sarandës dhe kanë bërë shpalljen në kërkim të shtetasve F. S dhe L. Th. Shërbimet e Komisariatit të Policisë Sarandë vijojnë verifikimet dhe kontrollet në terren, për gjetjen e këtyre shtetasve.r.t/abcnews.al
