GREQI- Dy persona me origjinë shqiptare janë përfshirë në një përleshje të përgjakshme në Selanik të Greqisë. Mediat fqinje shkruajnë se këta persona janë përleshur me thikë.
Kalimtarët i kanë pikasur të gjakosur në një distancë të shkurtër nga njëri-tjetri dhe kanë njoftuar menjëherë shërbimet e urgjencës.
Autoambulancat kanë mbërritur në vendngjarje dhe kanë transportuar të plagosurit në spital.
Ndërkaq, gjendja e njërit prej të lënduarve mbetet kritike. Policia ka nisur tashmë hetimet për zbardhjen e rrethanave të ngjarjes/abcnews.al
